Ресей мен Қазақстан арасында жүктерді жеткізуге сұраныс 5 %-ға төмендеді

«АвтоГрузЭкс» қауымдастығының пікірі бойынша, Ресей мен Қазақстан арасындағы жүктерді жеткізуге сұраныс қаңтар-ақпан айларында, экспорттың азаюына және жүктерді ресімдеудегі туындайтын қиыншылықтарға байланысты жылдық мәнде 5%-ға төмендеді. Логистикаға шекара өткелдерінде кедендік тексерулер санының көбеюі айтарлықтай кедергі келтіреді. Бұл ретте экспорттық бақылау рәсімі 10 минуттан екі күнге дейін созылуы мүмкін.

«Ресей мен Қазақстан арасындағы жеткізілімге сұраныстың төмендеуі жағдайында, орташа шекарадан өту уақыты 67%-ға, 12 - 36 сағатқа дейін қысқарды, соған қарамастан бұл өте жоғары көрсеткіш болып қала береді және айтарлықтай шығын әкеледі: шекара өткеліндегі бір тәулік тұру тасымалдаушыларға 20 мың рубль шығын әкеледі», — дейді «АвтоГрузЭкс» президенті Вадим Филатов.

Оның айтуынша, мәселені шешуге экспорттық шектеулер туралы жаңартылатын деректер жарияланатын мемлекеттік ақпараттандырудың бірыңғай цифрлық платформасын құру  көмектеседі. Сонымен қатар, электрондық кезекті брондау платформасын компанияларды шекарадан өту үшін дұрыс ресімделмеген құжаттар туралы алдын ала хабарлау жүйесін іске қосумен толықтыру маңызды.