Қазақстан (Қазақша)
Қазақстан Ауғанстанның көлік инфрақұрылымын дамытуға қомақты қаражат салуға дайын екенін білдірді. Қазақстан премьер-министрінің орынбасары Серік Жұманғариннің Ауғанстан үкіметі басшысының орынбасары Абдул Гани Барадармен кездесуінде ел аумағында маңызды теміржол желісін салуға $500 млн инвестициялау туралы уағдаластыққа қол жеткізілді, деп хабарлайды Amu TV.
Жоба Герат арқылы Торгундидің солтүстік қаласынан елдің оңтүстігіндегі Спин-Болдакқа дейін теміржол бағытын салуды көздейді. Бұдан басқа, Қазақстан Гератта осы инфрақұрылымдық жобаны іске асыруға қолдау көрсететін көліктік-логистикалық компания құруға ниетті.
Қазақстан Ауғанстанның тау-кен өндіру, мұнай және газ салаларындағы жобаларға да мүдделі. Абдул Гани Барадар ауған тарапының қазақстандық инвесторлар үшін өзінің тау-кен өндіру саласын ашуға дайын екенін растады.
Дереккөз: rzd-partner.ru