Қазақстан (Қазақша)
2026 жылғы 17 сәуірде "Тауарларды жеткізуді күтуді растаудың ұлттық жүйесі туралы" № 101-ФЗ Федералдық заңы жарияланды, ол ЕАЭО-ға мүше мемлекеттерден тауарларды әкелу ережелерін түбегейлі өзгертеді. Жүйенің қатысушылары тізбектің барлық буындары – ресейлік импорттаушылар (өтініш берушілер), ЕАЭО елдерінен жеткізушілер және тасымалдаушылар.
ТКРЖ жүйесі Одақ тауарлары мәртебесін алған тауарларға ғана қолданылады. Мәселе Қазақстан арқылы Қытайдан РФ-на транзитпен өтетін, мысалы, шетелдік тауарлар туралы емес.
Бастапқыда жоспарланған сынақ режимі мен кезең-кезеңімен енгізудің орнына, ТКРЖ жүйесі автомобиль көлігі үшін 2026 жылғы 1 шілдеден емес, 1 маусымнан бастап жұмыс істей бастайды. ТКРЖ басқа көлік түрлеріне кеңейту келешегі әзірге нақты айқындалмаған.
Жаңа ережелерге сәйкес, тауарды әкелуге екі күн қалғанда ресейлік импорттаушы АЖтҚ-ты электрондық түрде қалыптастыруға, қамтамасыз ету төлемін енгізуге және QR-кодты (визуалдандырылған сілтемені) алуға міндетті. Төлемнен босатылғандар үшін (ең ірі салық төлеушілер, салық мониторингіне қатысушылар, уәкілетті экономикалық операторлар, ЕЭА резиденттері) мерзім төрт сағатқа дейін қысқартылған. Осы құжатпен және QR-кодпен көлік құралы шекараны кесіп өтуі тиіс. АЖтҚ-қа өзгерістер енгізуге болады: QR-код алынғанға дейін – кез келген мәліметтерге, ал шекарадан өткенге дейін – тек көлік құралы туралы деректерге ғана.
Шекарада кеден органдарының қызметкерлері QR-кодтың болуын тексеріп, АЖтҚ-тағы мәліметтерді тауарға ілеспе құжаттармен салыстырады. АЖтҚ немесе QR-код болмаған жағдайда, сондай-ақ кез келген сәйкессіздік анықталса, Заңға сәйкес көлік құралы мен ондағы тауарларды Ресей Федерациясы аумағынан үш сағат ішінде алып шығу туралы нұсқама беріледі. Қазіргі уақытта ТКРЖ-ге қатысты әкімшілік құқық бұзушылықтардың арнайы құрамдары жоқ, бірақ РФ ӘҚБтК-нің 19.4 және 19.7 баптары (заңды өкімге бағынбау және мәліметтерді ұсынбау) қолданылуы мүмкін.
ТКРЖ шеңберінде бақылау – бұл кедендік бақылау емес. ТКРЖ мінсіз рәсімдегеннің өзінде де, жүктің кейіннен кедендік бақылауға немесе мемлекеттік бақылаудың өзге түрлеріне жіберілуі жоққа шығарылмайды.
Дереккөз: rzd-partner.ru